Presidenti sizmik Ilir Meta ka paralajmëruar vendi se do të përjetojë lëkundje e shkundje të sistemit duke nisur nga data 25 Korrik, një ditë pasi i përfundon mandati në bordero.
Këtë dekllaratë të fuqishme, Presidenti e bëri në një konferencë për shtyp super-llajv nga foltroja e Presidencës. Ai foli gjërë e shtruar për kthimin në Kuvend, të projekligjit për koncesionin e Parkut Kombëtar të Butrintit.
Presidenti ritheksoi se ky sistem duhet dhe do shkulet nga themeli duke nisur nga 25 Korriku.
“Por deri më 24 Korrik, i kam duart e lidhura nga Kushtetuta. Dmth jo se do rri duarlidhur, por do bëj detyrën time në mbrojtje të interesit publik, gjë që e nisa si hobi e që tani më është kthyer në ves” – tha Presidenti Meta.
Kur e pyetën gazetarët për kallëzimin penal që ka depozituar në SPAK ish deputeti Halit Valteri, vetë Meta u përgjigj se nuk e kishte haberin, as për Halit Beratin e as për Halit Valterin, duke shtuar se nuk ekziston asnjë mantel i kuq, që ta shpërqendrojë Demin e Kuq që do ta shkundë nga themelet arenën e Toreadorit Rama në datë 25 Korrik.
Ndaj kërcënimit për shkundje, ka reaguar i madhi dhe i vetmi, Kryeministri Rama i cili tha “Shkunde sa të duash, pika e fundit bie në pantallona dmth në Kushtetutë”.
