Kolegji i Posaçëm i Apelimit ka marrë vendim për ti njohur ish-kryeprokurorit Adriatik Llalla të drejtën e dorëheqjes duke e lënë jashtë sistemit të drejtësisë për 15 vjet duke i shpëtuar Vettingut.
I zotuar tek ndërkombëtarët se do të realizojë reformën në drejtësi brenda mandatit Kryeministri Rama në një bashkëbisedim me gazetarë i ka siguruar të gjithë se Vettingu bëhet me cdo kusht.
“Amerikanët na kanë porositur që rrjeta e Vettingut duhet të kapë peshqit e mëdhenj të sistemit të drejtësisë. Dhe pa as më të voglin dyshim Llalla ishte ndër peshqit më të mëdhenj” u shpreh Rama.
“Llalla është peshk i madh madje i sprovuar të notojë në ujë të turbullt. Varka e Rilindjes ka peshkatarë të devotshëm por si të rinj në zanat ne kishim frikë se do na çahej rrjeta e Vettingut dhe nga e çara do na ikte e gjithë tufa me të mëdhenj e të vegjël” shpjegoi kryeministri duke shtuar se nisur nga këto motive të arësyeshme ishin detyruar të zbatonin praktikën “kap e liro” dhe ta linin Llallën të notonte i lirë drejt detrave të Italisë.
Me tej Kryeministri Rama garantoi se kjo nuk e zbehte aspak vrullin e qeverisë në përmbushjen e premtimit madhor për realizimin e reformës në drejtësi.
“Herët a vonë rrjeta e Vettingut do ta kapë sërish ish-kryeprokurorin por kësaj herë ai nuk do ketë më shpëtim dhe po ju premtoj se peshkun e madh Llalla do ta bëjmë sushi” deklaroi Rama.
